अगामी पाँच वर्ष भित्रमा डिजिटल नेपाल बनाउन सञ्चार तथा सूचना प्रविधि मन्त्रालयले डिजिटल नेपाल कार्यक्रम कार्यान्वयन कार्ययोजनालाई अन्तिम रुप दिएको छ ।

कार्यक्रम कार्यान्वय कार्ययोजनाका विषयमा मन्त्रालयद्वारा विराटनगरमा आयोजित अभिमुखीकरण कार्यक्रममा मन्त्रालयले आठ वटा क्षेत्र डिजिटल फाउण्डेशन, कृषि, शहरी पूर्वाधार, वित्त, पर्यटन, उर्जा, स्वास्थ्य र शिक्षा क्षेत्रलाई प्रथमिकतामा राखेको जनाएको छ । डिजिटल नेपालको कल्पनाले नै नेपालले विकासमा फड्को मार्न सक्ने, आर्थिक वृद्धिदर आठ दशमलव सात प्रतिशतबाट १० दशमलव चार प्रतिशत पुर्याउने र प्रत्येक नेपालीको वार्षिक आय एक हजार ६२ अमेरिकी डलरबाट एक हजार ६ सय २० अमेरिकी डलर पुर्याउने लक्ष्य लिइएको छ ।